كتب : ماهر بدر
قبل ما تفكر أو تحتار هاتخرج تتفسح فين .. تعالى نقول لك على تجربتنا الجميلة في منطقة العبور مطعم ” بابلو” هو واحد من أجمل الأماكن التي بتقدم تجربة طعام متكاملة، تجمع بين النكهات الرائعة والأجواء الهادئة التي تجعلك تحس كأنك في عالم تاني
– أكلات من جميع المطابخ العربية والعالمية
أول حاجة لازم أتكلم عنها هي تنوع الأطباق اللي بيقدمها مطعم “بابلو ” واللي بتناسب جميع الأذواق، سواء كنت من محبي الأسماك، أو اللحوم ، أو حتى الأطباق الإيطالية زي المكرونة بأنواعها والبيتزا ، كل طبق بيتقدم بطريقة مبتكرة وبنكهات غنية، خصوصًا السلمون الطازج اللي بيتميز بطعمه الفريد ويعتبر من أفضل ما تذوقت فهو طازج ومعد بأحترافية عالية يقدم مع الصوص والأرز والخضار السوتية
– البيتزا والباستا حكاية عشق ايطالي
بالنسبة للبيتزا الايطالي محسوبة بالتفاصيل، العجينة هشة من الأطراف وطازجة وطرية من الداخل، والصلصة محضرة من مكونات طبيعية، والإضافات كلها متوازنة ومتناسقة. أما الباستا فقد تفننو في تحضيرها بكل الانواع، و محضرة بإتقان، سواء كنت بتحبها بصوص الطماطم الكلاسيكي أو بصوص الكريمة الغنية، ستجد دائمًا الطعم اللي هيخليك تطلب تاني.
– أطباق رائعة من اللحوم
وما ننساش اللحوم، لأنها فعلاً محضرة بطرق مبتكرة ولذيذة ، سواء كانت شرائح لحم البقر المشوية أو دجاج متبّل، كل قطعة مطهوة بعناية فائقة وبنكهات مميزة بالأضافة الى الأصناف الجانبية التى تجعل الوجبة غنية ومشبعة
– متر كامل من السعادة… كل الحلويات الى ممكن تتخيلها
بابلو يعد لك صينية بطول متر كامل تتراص فيها أجمل انواع الحلويات وصوص الشيكولاتة والكراميل والمكسرات الطازجة المقرمشة .. تجربة من السعادة لا يمكن وصفها بل يجب تجربتها ، احرص عند زيارة بابلو بطلب متر السعادة
لكن مش بس الأكل هو اللي بيخلي بابلو مميز، المكان نفسه له دور كبير في تحسين التجربة. المطعم بيطل على بحيرة صناعية واسعة وجميلة، منظر بيخطف الأنفاس، خصوصًا وقت الغروب لما الشمس تعكس ألوانها على سطح المياه. الجلوس هناك بيخلق جو من السكينة والراحة النفسية، وده بيخلي كل وجبة أكتر من مجرد أكل، بتتحول لتجربة استرخاء وتنعش الروح.
– الضيافة في بابلو .. ٧ نجوم
أما الضيافة في بابلو فهي فعلاً تستحق تحية كبيرة. فريق العمل ودود جدًا ومحترف، دايمًا مهتمين إنك تحس بالترحيب والاهتمام. الخدمة سريعة، ومستعدين يلبوا أي طلب أو سؤال بابتسامة وبدون ما تحس بأي ضغط. بالتأكيد بتحس إنك مش بس زبون، لكن ضيف عزيز عليهم.
لما تجمع كل الحاجات دي مع بعض: الأكل الراقي والمتنوع، المكان الساحر على البحيرة، والضيافة الرائعة، تلاقي إن مطعم بابلو في العبور هو الخيار الأمثل لأي حد بيبحث عن تجربة طعام فريدة وممتعة. سواء جئت مع العائلة، الأصدقاء، أو حتى للعمل،هذا بالاضافة الى تحضير لديكورات المناسبات العائلية هتلاقي كل شيء معد بعناية علشان تحس بأفضل تجربة ممكنة،
بابلو الاسكندرية ..تجربة ليس لها مثيل
وقريبا سيكون لنا تجربة في فرع بابلو الاسكندرية الذي يقع على أجمل شواطئها
